Jornada sens ’chaptar : dissabdes 25 de novembre 2006

Lo dissabdes 25 de novembre, qu’es la jornada sens ’chaptar. Qu’es ’na jornada organizada dins tota Euròpa emai America dau Nòrd per nos avisar de nòstre biais de viure.

La societat de consomacion damanda per foncionar que siam ren mas daus consomators. La publicitat, fòrma novela de propaganda, nos mena a ’chaptar de mai en mai de besunhas que nos fan pas mestier. Nòstra societat se mòca dau caractari limitat de nòstre environament. Provoca la destruccion de la natura, minja los país dau sud e nos fai venir esclaus dau charreton dau subremerchat.

La creissença de la consomacion pòt pas èsser la solucion aus problemas sociaus o environamentaus : es lor causa. Mai de consomacion, qu’es mai de pollucion, la creissença dau pres de las energias, mai de competicion entre los òmes e pas jamai mens de chaumatge. La jornada sens ’chaptar es l’enchaison de se calcular sus nòstre biais de viure per pus mai èsser los complices de ’queu sistema.

Per ne’n saubre mai sus las accions organizadas en Occitània mai dins lo reste dau monde : http://www.casseursdepub.org/