forum sociau lemosin

 

Forum Sociau Lemosin
fslimousin@free.fr

Actualitats Presentacion Obradors Armanac
Cortetas Contactes Liams Forum

Mobilizam-nos contra la represion dins la comuna d’Oaxaca

per  Maxime - 21/11/2006 -
Apelada a la societat civila mexicana e internacionala davant los fachs greus que arriben a Oaxaca (Mexic).
Lo 27 d’octòbre a Oaxaca, 4 personas fugueren assassinadas per balas. ’Queus morts s’apoden a las 9 personas assassinadas pendent los mes d’avant par de las milícias armadas.

Contrariament a las accusacions portadas contra l’APPO (Amassada Populara dau Pòble de Oaxaca), òm sap que los responsables de la violéncia son ’queus paramilitars qu’agissen dins la mai totala impunitat, dins de las accions de provocacion sistematica.

La responsabilitat es la d’Ulises Ruiz, governaire de l’Estat, que respond entau a la lucha daus ensenhaires e dau pòple agropats dins l’APPO. La brutalitat daus paramilitars contrasta emb l’atituda de l’APPO que respond pas a las provocacions. Despiech de quò, lo president Fox anonciet l’intervencion de la Policia Federala Preventiva que era desjà basada dins l’estat d’Oaxaca.

Lo president Fox se prepara a intervenir per evacuar la vila, mas contunha a pas respondre a la larja exigéncia populara de demission d’Ulises Ruiz de son pòste de governaire. Òm utiliza enguera la represion per resòure los conflicts sociaus e politics. Quò fuguet lo cas per Atenco, e quò es çò que passa en queste moment a Oaxaca.

Volem manifestar nòstra indignacion e nòstra preocupacion davant ’queus fachs e apelam a la mobilizacion per eschivar un autre banh de sang. Volem denonciar l’impunitat dont benefician los paramilitars enquistats dins l’estructura de l’estat, coma fuguet totjorn lo cas a Oaxaca. Sostenem l’APPO, coma organizacion representativa daus pòples e de las organizacions d’Oaxaca e junhem a la damanda de demission dau governaire Ulises Ruiz

Comitat Chiapas Corresa

Adreças de las representacions diplomaticas dau Mexic en França :

-  Ambaissada : 9, rue de Longchamp 75116 Paris, M° Iéna.
Telefòne : 0153 70 27 70.
Fax : 01 47 55 65 29.
Mail : embfrancia@sre.gob.mx
-  Consolat : 4, rue Notre-Dame des Victoires, M° Bourse.
-  Centre culturel du Mexique : 119, rue Vieille du temple, M° Filles-ducalvaire.

Plan dau sit | Version Tèxt | Acuelh dau sit | Contactes