Setmana sens television : dau 24 au 30 d’abriu 2006

Quantben de temps per jorn passam-nos davant la television ? L’un dins l’autre, en França, qu’es 3H30. Quand òm sab que l’objectiu de las grandas chadenas comercialas, coma l’a dich M. Le Lay, PDG de TF1, es de vendre a Coca-Cola dau temps de cerveu uman disponible, òm pòt s’esmajar. Quala es l’influéncia de ’quela propaganda jornadiera sus nòstras vitas ?

Un sol biais per zo saubre : ’na cura de desintoxicacion televisuala d’una setmana. Qu’es quò que perpausan, pertot dins lo monde, de las associacions coma Casseurs de Pub en França, Adbusters au Canadà, White Dot au Reiaume-Unit, TV-TurnOff aus Estats-Units, Esterni TV en Itàlia. Dau 24 au 30 d’abriu 2006, qu’es la setmana sens television. La setmana ente anam passar 3H30 a jugar coma los dròlles, se permenar, surtir, veire sos amics. Tot emb-d’un mot, viure, pusleu que viure per procuracion tras ’na media qu’a per objectiu de nos redusir a l’estat de consomators passius. I a pas a trantolhar : chau eissaiar !

Per n’en saubre mai : http://www.casseursdepub.net/