forum sociau lemosin

 

Forum Sociau Lemosin
fslimousin@free.fr

Actualitats Presentacion Obradors Armanac
Cortetas Contactes Liams Forum
+
5esme Forum Sociau Lemosin a Beubruelh

Construire aquí de las alternativas a la mondializacion liberala

per  Maxime - 18/03/2008 - français

Dissabde 8 de març, ’na quarantena de militants associatius, sindicaus e d’abitants eran ’massats a la Maison de las Associacions de Beubruelh per preparar lo prupchen Forum Sociau Lemosin que se passarà dins ’queu quartier dau 27 au 31 de març 2008.

’Quela reunion permetet de definir los prumiers contorns de ’queu rescontre ciutadan e festiu. Lo punt fòrt serà la mesa en plaça per los 30 e 31 de mai d’un ensemble de chapiteus de talhas diferentas sur l’ancian terrenh d’espòrt dau Prieur rasis l’aléia Fabre d’Eglantine.

Lo forum serà per tots, l’ocasion de prener la paraula, de tesmonhar de son experiéncia e d’eschamnhar coma los autres. Mai d’un axe per los obradors e debat fugueren retenguts :

- Democracia : Las intervencions que pòden aver los abitants, las associacions mai los sindicats. La creacion de luòcs de contrapoder, la defensa e lo desvelopament daus servicis publics...

- Quartiers periferics : Coma se l’i viu ? Coma se los vei ? Expression daus besonhs, de las luchas socialas viscudas mas tanben de la richessa daus contacts umans e de la vita associativa.

- Solidaritat internacionala - diversitat culturala : Vilatge dau monde, ròtle positiu daus migrants, l’importança de la solidaritat aquí e alai, viure ensems emb nòstras culturas.

-Santat - environament : Nòstres biais de viure, de consumir, de produsir, viure d’un autre biais.

’Na prupchena reunion dreibida a tots los que vòlen èsser de meitat a l’organisacion de ’queu 5esme Forum Sociau Lemosin es programada lo dissabde 12 d’abriu de 2 oras a 6 oras de l’apres-miegjorn a la Maison de las Associacions de Beubruelh - 4 Aléia Fabre d’Eglantine a Limòtges.

Plan dau sit | Version Tèxt | Acuelh dau sit | Contactes