forum sociau lemosin

 

Forum Sociau Lemosin
fslimousin@free.fr

Actualitats Presentacion Obradors Armanac
Cortetas Contactes Liams Forum

Debat sus las convergéncia entre luchas socialas, ecologicas e culturalas.

per  Maxime - 12/03/2007 - français
Lo FSL debatrà lo 17 de març a Besièrs de las convergéncia entre luchas socialas, ecologicas e culturalas.

A costat de son estand a la manifestacion de Besièrs, Gardarem la Tèrra organizarà un canton-forum, sus las ligasons entre luchas socialas, ecologicas e culturalas d’una part, promocion de la lenga occitana de l’autra, emb d’intervencions en particular de:
-  Jean Clavel, viticultor, creator de las costieras dau Lengadoc, que farà la liason istorica entre los viticultors de 1907 que manifestavan per assegurar lo devenir de la vinha, dau vin natural, e daus país nòstres e los manifestants de 2007
-  Jacques Blin, president dau malhum Langues et Cultures de France, que explicarà lo trabalh menar dempuei quauquas annadas per queu malhum que perpausa, emb un exposat daus motius riche, ’na perpausicion de lei plan breva relativa a las lengas e culturas de França emb un eschema dau decret que precisaria las mesuras que fau per lor sosten, lor mesa en valor e lor desvelopament.
-  Claude Alranq, lo comedian et meteire en scèna que animava dins les annadas 70 lo Teatre de la Carrièra, que parlarà daus obstacles creissants mes a la sauvagarda e au desvelopament d’una cultura populara viva ente la lenga nòstra a tota sa plaça.
-  Maxime Caillon, animator dau Forum Sociau Lemosin, que explicarà coma e perque queu forum constituat sus de las mobilizacions a caractari sociau perçauguet l’importancia de l’enjuec lingüistic au punt de mandar un messatge collectiu de sosten a la manifestacion.

Lo canton forum se ’chabarà per la lectura per Danisa Daniel, vice-presidenta de Gardarem La Tèrra, d’un discors que Robèrt Lafont escrivet especialamanent per quela manifestacion (daus extrach de queu discors seràn d’en prumier legits au podium centrau).

Plan dau sit | Version Tèxt | Acuelh dau sit | Contactes