forum sociau lemosin

 

Forum Sociau Lemosin
fslimousin@free.fr

Actualitats Presentacion Obradors Armanac
Cortetas Contactes Liams Forum
+

Limòtges : Mobilizacion importanta per denonciar la repression en Guinea

per  Maxime - 6/03/2007 - français
Dissades 24 de feurier a Limòtges, la manifestacion de sosten au pòple guinean e contra las exaccions perpetradas per lo regime au poder a amassat a l’entorn de 250 personas.

Quela mobilizacion organisada a Limòtges per l’Associacion daus Estudiants Guineans aviá reçaugut lo sosten dau Collectiu daus Sens Papiers e de beucòp d’associacions de defensa daus drechs umans e d’organizacions politicas*.

Qu’es a la credada de "Conté a L’Aia" que quela manifestacion s’es dirigida dau parvis de la mediateca vers la prefectura en far referéncia a las exaccions cometudas en Guinea per lo regime a l’encontre de la populacion engatjada dins lo movement sociau.

S’agissiá maitot de denonciar lo ròtle jugat per la França qui en tot que cerchava a sauvar sos interès economics en Africa cluca los uelhs sus las violacions daus drechs umans dins un silenci eissordissent.

La mendra de las decisions seria que la França e l’Union Europea exigen la levada immediata de l’estat de sieti decretat per Lassana Conté, que permes a las fòrças armadas de cometre de las violencias a l’encontre de la populacion.

La situacion en Guinea e sos cinquanta ans de regimes dictatoriaus illustran tanben la necessitat, a Limòtges, de contunhar de sostener los guineans sens papiers dins lor damanda de regularizacion.

Los manifestants presents an saludats mai que mai la preséncia de Fofana Aboubacar surtit dau centre de retencion de Bordeu en seguda a ’na decision dau tribunau administratiu de Bordeu cassant l’arrestat de menada a la frontiera presa per lo prefect de Vinhana Nauta. Es pas possible de pas s’insurjar contra lo governament frances que vòu menar un jòune de 19 ans dins un país en estat de sieti !

Veire tanben sus lo site de la MDH : http://mdh.limoges.free.fr/support/...

* CGT Culture, CGT Education, LCR, LDH, l’Indicible Frontière, Lutte Ouvrière, MDH, MJS 87, PCF 87, RESF 87, Sud Education, U.D. CGT 87, U.R. CFDT, Les Verts.

La manifestation dans les rues de Limoges - 36.1 Ko
La manifestation dans les rues de Limoges

Plan dau sit | Version Tèxt | Acuelh dau sit | Contactes