forum sociau lemosin

 

Forum Sociau Lemosin
fslimousin@free.fr

Actualitats Presentacion Obradors Armanac
Cortetas Contactes Liams Forum

Prenetz dempuei aura vòstre bilhet per Besiers 2007 !!!

per  Magalí - 1r/02/2007 -
Partença Limòtges e Briva


Anem ! Per la lenga occitana ! Òc !

A l’entorn de 12000 personas vengueren manifestar per la lenga e la cultura occitanas lo 22 d’octòbre 2005 a Carcassona.
Lo 17 de març a Besiers, nautres podem/devem far mielhs. Dins queu periòde d’eleccions, quela segonda granda manifestacion festejaira e revendicativa se deu d’esser d’enguera mai espectaclosa qu’en 2005.
Per aquò, avem mestier de vautres.

Vos convidem a reservar dempuei aura quela data sus vòstre armanac per fin de venir sostener la lenga e la cultura occitanas.

Detalhs practics
Coma l’an passat, l’Institut d’Estudis Occitans dau Lemosin ferma 1 bus (mai segon las inscripcions) que partirá de Limòtges-Plaça de las Charantas, a 5h45 lo dissades matin. Queu bus fará ’n’ arrest a Briva-Parcatge Carrefour a 6h45.
Pretz d’una plaça : 20€ / -15 ans, chaumaires, estudiants : 15€ / pretz-fach familhas (parents + enfants) : 50€ (si mai de 4 personas, comptar 5€ per persona de mai).
La manifestacion es prevuda entre 14h30 e 18h00. Retorn prevut a l’entorn de 3h00 dau matin.
Per se marcar : 05 55 98 28 90 - ieo.lemosin@free.fr

Per poder s’organizar coma fau, vos prejem de ben voler reservar lo mai redde possible.

Per ’na reservacion definitiva, mandatz-nos un cheque a IEO Lemosin - Plaça daus Vinhairons - 19140 USERCHA.

Comptem sus vautres.


Institut d’Estudis Occitans dau Lemosin
Plaça daus Vinhairons
19140 USERCHA
tel./fax 05 55 98 28 90
ieo.lemosin@free.fr
http://ieo.lemosin.free.fr

Anem ! Per la lenga occitana ! Òc !
Manifestacion per la lenga occitana
Dissades 17 de març 2007 a Besiers (34)
Per contunhar e amplificar lo 22 d’octòbre de 2005 de Carcassona
http://www.manifestarperloccitan.com

Plan dau sit | Version Tèxt | Acuelh dau sit | Contactes